KTR Distribute Double Bedroom Houses in Sircilla : వారంటీ లేని కాంగ్రెస్​ ఆరు గ్యారంటీలు.. జనాలను గందరగోళం చేయడానికే ఇవన్నీ!

Minister KTR Distributed Double Bedroom Houses in Sircilla : వారంటీ లేని కాంగ్రెస్​.. ఆరు గ్యారంటీలను ఇస్తే ప్రజలు నమ్ముతారా అంటూ మంత్రి కేటీఆర్​ ప్రశ్నించారు. మొండిచేయికి ఓటు వేస్తే.. తమ బతుకులు ఆగం అవుతాయనే విషయం ప్రతి ఒక్కరూ గ్రహించాలని సూచించారు. సిరిసిల్ల జిల్లా గంభీరావుపేట మండల కేంద్రంలోని 378 రెండు పడకల గదుల సముదాయాలను మంత్రి కేటీఆర్​ ప్రారంభించారు.

Minister KTR Distribute Double Bedroom Houses in Sircilla : వారంటీ లేని కాంగ్రెస్​ పార్టీ ఆరు గ్యారంటీ(Congress Six Guarantees)లను ఇస్తే ప్రజలు నమ్ముతారా అంటూ మున్సిపల్​, పట్టణాభివృద్ధి శాఖ మంత్రి కె.తారక రామారావు(KTR) ప్రశ్నించారు. ఇలాంటి హామీలను ఇచ్చి జనాలను గందరగోళానికి గురిచేయడమే కాంగ్రెస్​ పని అని విమర్శించారు. రాజన్న సిరిసిల్ల జిల్లా గంభీరావుపేట మండల కేంద్రంలోని ఎస్సీ కాలనీలో 104 డబుల్​ బెడ్​రూం ఇళ్ల(Double Bed Room Houses) సముదాయానికి, బీసీ కాలనీలో 168 డబుల్​ బెడ్​ రూం ఇళ్ల సముదాయాలను మంత్రి కేటీఆర్​ ప్రారంభించారు.

ఒక్క రోజులోనే 4 గ్రామాల్లో 378 రెండు పడకల గదులు ప్రారంభించుకొని పంపిణీ చేసుకున్నామని మంత్రి కేటీఆర్​ అన్నారు. సిరిసిల్ల పర్యటనలు ఈ మధ్య తక్కువ అయ్యాయని.. తనను ఎవరూ తిట్టుకోవద్దని స్థానిక ప్రజలను కోరారు. రాష్ట్ర ముఖ్యమంత్రి కేసీఆర్​ ఆధ్వర్యంలో బ్రహ్మాండంగా స్కూల్స్​, కాలేజీలు ఏర్పాటు చేసుకున్నామని హర్షం వ్యక్తం చేశారు.

KTR Comments on Six Guarantees of Congress : రాష్ట్రంలో 365 రోజులు మంచి నీరు, సాగు నీరు అందుబాటులో ఉండే విధంగా అప్పర్​ మానేరులో నిల్వ చేసుకున్నామన్నారు. రైతుల దృష్టిలో పెట్టుకొని ముఖ్యమంత్రి ఎన్నో గొప్ప గొప్ప ఆలోచనలు చేశారని కేటీఆర్​ కొనియాడారు. రైతుల ఖాతాలో ఏకంగా రూ.73 వేల కోట్లు వేసిన ఘనత కేసీఆర్​ ప్రభుత్వానికే దక్కుతుందని హర్షించారు. నేడు రైతు ఆదాయాన్ని పెంచామని ఆనందం వ్యక్తం చేశారు. ప్రతి పేదవాడికి, అర్హులైన ప్రతి ఒక్కరికీ డబుల్​ బెడ్​రూం ఇళ్లు నిర్మించి ఇస్తామన్నారు.

Minister KTR Started Double Bedroom Houses in Sircilla : ఎన్నికల్లో గెలిచేందుకు తాను ఈసారి మందు, పైసలు పంపిణీ చేయనని.. స్వచ్ఛందంగా ఓటు వేయాలని మంత్రి కేటీఆర్​ కోరారు. తనలా ఇలా చెప్పే దమ్ము ధైర్యం ఏ నాయకుడికైనా ఉందానని ప్రశ్నించారు. ఒకవేళ పొరపాటున మొండి చేయికి ఓటు వేస్తే తమ బతుకులు ఆగం అవుతాయనే విషయం ప్రతి ఒక్కరు గుర్తించుకోవాలని హితవు పలికారు.

Double Bedroom Houses Scheme in Telangana : కాంగ్రెస్​ పార్టీ వివిధ రాష్ట్రాల నుంచి డబ్బులు తెచ్చి.. వాటిని ఖర్చు పెట్టి ఎన్నికల్లో గెలవాలని చూస్తోందని.. ఆ డబ్బులు తీసుకొని మళ్లీ కారు గుర్తుకే ఓటు వేయాలని సలహా ఇచ్చారు. ముచ్చటగా మూడోసారి మళ్లీ కేసీఆర్​ని ముఖ్యమంత్రిగా గెలిపించుకునే బాధ్యత తమదేనన్నారు. సిరిసిల్ల జిల్లావ్యాప్తంగా గుడిసెలు 465, రేకుల షెడ్లు 432, శిథిలావస్థలో ఉన్న ఇళ్లు 907 మొత్తం 1967 ఇళ్లు కట్టిస్తామని కేటీఆర్​ హామీ ఇచ్చారు.