పెద్దపల్లి జిల్లా ముత్తారం మండలంలోని లక్కారం గ్రామానికి చెందిన రాజమ్మకు నలుగురు కుమారులు. అందులో రెండో కుమారుడు బాపు, చిన్న కుమారుడు సారయ్య మృతి చెందారు. పెద్ద కుమారుడు రాజయ్య సింగరేణి రిటైర్ కార్మికుడు. బేగంపేట ఎక్స్రోడ్డు వద్ద నివాసముంటున్నాడు. మూడో కుమారుడు శంకర్ కోరుట్లలో నివాసముంటున్నాడు. కొన్ని రోజులుగా తల్లి రాజమ్మను మీరంటే మీరే చూసుకోవాలంటూ కొడుకులు, కోడళ్లు గొడవలు పెట్టుకుని చివరికి ఆమెను పట్టించుకోవడమే మానేశారు. ఫలితంగా రాజమ్మ ఒంటరిగా గ్రామంలో ఉంటూ ఇబ్బందులు పడుతోంది.
రాజమ్మ కష్టాలను చూడలేక గ్రామస్థులు పోలీసులకు సమాచారం అందించారు. ఎస్సై నరసింహారావు, మంథని సీఐ మహేందర్రెడ్డి గ్రామానికి చేరుకుని వృద్ధురాలికి ఆశ్రయం కల్పించారు. రేపు పోలీస్ స్టేషన్కు రావాలని, సమస్యను పరిష్కరిస్తామని కుమారులు, కోడళ్లకు సూచించారు.
