హెల్మెట్​ ధరించి విద్యార్థులు జోర్దార్​ డ్యాన్స్​

రోడ్డు ప్రమాదాల నివారణ కోసం పెద్దపల్లి జిల్లా కేంద్రంలో ట్రాఫిక్​ పోలీసులు వినూత్నంగా అవగాహన కార్యక్రమం చేపట్టారు. విద్యార్థులతో ఫ్లాష్​ మాబ్​ నిర్వహించారు. విద్యార్థులు హెల్మెట్​ ధరించి చేసిన నృత్యాలు అందరినీ అలరించాయి.

రహదారి ప్రమాదాల నివారణ కోసం పెద్దపల్లి జిల్లా కేంద్రంలో ట్రాఫిక్ పోలీసులు అవగాహన కార్యక్రమం చేపట్టారు. ఈ మేరకు ట్రినిటీ కళాశాల విద్యార్థులతో ఫ్లాష్ మాబ్ కార్యక్రమం నిర్వహించి ప్రమాదాల నివారణకు తీసుకోవాల్సిన జాగ్రత్తలను వివరించారు. ఈ సందర్భంగా విద్యార్థులు హెల్మెట్ ధరించి నృత్యాలు చేసి అందరినీ ఆకట్టుకున్నారు.

ట్రాఫిక్ నియమాల పట్ల అవగాహన ఉంటే రోడ్డు ప్రమాదాలు నివారించవచ్చని డీసీపీ రవీందర్ పేర్కొన్నారు. ముఖ్యంగా ద్విచక్ర వాహనం నడిపే వారు హెల్మెట్ తప్పనిసరిగా వాడాలని కోరారు. ఈ కార్యక్రమంలో జిల్లా రవాణా శాఖ అధికారి ఆఫ్రీన్​ సిద్దిఖీతో పాటు ఏసీబీ హబీబ్ ఖాన్ పాల్గొన్నారు.

ఇవీ చూడండి: స్టెప్పులేస్తూ... అవగాహన కల్పిస్తూ... విద్యార్థుల ఫ్లాష్​మాబ్