లాక్​డౌన్​కు ప్రజలందరూ సహకరించాలి: సీపీ

ప్రభుత్వం విధించిన లాక్​డౌన్ నిబంధనలను ప్రజలందరూ పాటించి.. కరోనా కట్టడికి కృషి చేయాలని రామగుండం పోలీస్ కమిషనర్ సత్యనారాయణ కోరారు. పెద్దపల్లి జిల్లా సుల్తానాబాద్ రాజీవ్ రహదారిపై పోలీసు అధికారులతో కలిసి వాహన తనిఖీలు నిర్వహించారు.

పెద్దపల్లి జిల్లా సుల్తానాబాద్ రాజీవ్ రహదారిపై రామగుండం సీపీ సత్యనారాయణ.. పోలీసు అధికారులతో కలిసి వాహన తనిఖీలు నిర్వహించారు. రహదారిపై ప్రయాణించే వాహనాల అనుమతి పత్రాలను పరిశీలించారు. లాక్​డౌన్ నిబంధనలను ప్రజలందరూ పాటించి కరోనా కట్టడికి కృషి చేయాలని కోరారు.

కొంతమంది ఎమ్మెల్యే స్టిక్కర్లు కారుకు అంటించుకుని వెళ్తున్నారని తెలిపారు. లాక్​డౌన్ మొదటిరోజు.. నిబంధనలు అతిక్రమించిన 863 మందికి జరిమానాలు వేసినట్లు తెలిపారు. మహారాష్ట్ర సరిహద్దుల్లో రవాణా నిలిపివేశామని.. కేవలం వైద్య సదుపాయాలకు వచ్చే వాహనాలను అనుమతిస్తున్నట్లు చెప్పారు.

ఇదీ చదవండి: కరోనా​ను ఎదుర్కోవటంలో మాస్కులే శ్రీరామ రక్ష