ఎంపీ అర్వింద్​ చిత్రపటానికి వైద్యపరీక్షలు...

ఎంపీ ఆర్వింద్​ పసుపు రైతులను మోసం చేశాడని విద్యార్థులు ఆగ్రహం వ్యక్తం చేశారు. నిజామాబాద్​ డిచ్​పల్లిలోని తెలంగాణ విశ్వవిద్యాలయంలో అర్వింద్​ చిత్రపటానికి వైద్యపరీక్షలు చేసి వినూత్న రీతిలో నిరసన వ్యక్తం చేశారు.

నిజామాబాద్​ జిల్లా డిచ్​పల్లిలోని తెలంగాణ విశ్వవిద్యాలయంలో విద్యార్థులు వినూత్న రీతిలో నిరసన వ్యక్తం చేశారు. పసుపు బోర్డు ఏర్పాటు చేస్తామని వాగ్దానం చేసి... మాట మార్చాడని నిరసనగా ఎంపీ అర్వింద్​ చిత్రపటానికి వైద్య పరీక్షలు నిర్వహించారు.

పసులు రైతులను మోసం చేసి పార్లమెంటు సభ్యునిగా గెలిచిన అర్వింద్ వెంటనే రాజీనామా చేయాలని విద్యార్థులు డిమాండ్​ చేశారు. ఇప్పటికైనా పసుపు బోర్డు ఏర్పాటు చేసి మాట నిలబెట్టుకోవాలని విద్యార్థులు కోరారు.

ఇవీ చూడండి: చలి నుంచి మూగజీవాలకు సంరక్షణ