కరోనా మహమ్మారిని కట్టడి చేసేందుకు నిజామాబాద్ జిల్లా ధర్పల్లి పంచాయతీ పాలకవర్గం స్వచ్ఛందంగా మూడ్రోజుల పాటు లాక్డౌన్ ప్రకటించింది. మండలకేంద్రానికి చెందిన ఓ వ్యక్తికి కరోనా పాజిటివ్ రావడం వల్ల ఈ నిర్ణయం తీసుకుంటున్నట్లు పాలకవర్గం సభ్యులు తెలిపారు. మూడ్రోజుల పాటు వ్యాపార సముదాయాలు మూసి ఉంచాలని ఆదేశాలు జారీ చేశారు.
కరోనా నిబంధనలు ప్రతి ఒక్కరు తప్పనిసరిగా పాటించాలని, లేనియెడల పెద్దమొత్తంలో జరిమానాలు విధిస్తామని సీఐ ప్రసాద్ స్పష్టం చేశారు. నిబంధనలు అతిక్రమిస్తే కఠిన చర్యలుంటాయని హెచ్చరించారు.
- ఇదీ చూడండి : 'నిర్లక్ష్యం వల్లే ఉస్మానియా ఆస్పత్రికి ఈ దుస్థితి'
