'మహిళల భద్రతకే మొదటి ప్రాధాన్యం'
రోడ్డు ప్రమాదాలు తగ్గేలా చర్యలు చేపట్టాలని, మహిళల భద్రతకు అధిక ప్రాధాన్యమివ్వాలని నిజామాబాద్ పోలీస్ కమిషనర్ కార్తికేయ అధికారులకు సూచించారు. నిజామాబాద్ జిల్లాలోని బాల్కొండ, వేల్పూర్ పోలీస్ స్టేషన్లను తనిఖీ చేశారు. సిబ్బందితో మాట్లాడి స్టేషన్లో ఉన్న సమస్యలు తెలుసుకున్నారు. వాటి పరిష్కారం కోసం చర్యలు తీసుకుంటానని హామీ ఇచ్చారు.
స్టేషన్లో దస్త్రాలు తనిఖీ చేసి... పరిష్కరించిన కేసులు, పెండింగ్లో ఉన్న కేసుల వివరాలపై సీపీ ఆరా తీశారు. ఫిర్యాదు చేయడానికి వచ్చే వారితో మర్యాదపూర్వకంగా ప్రవర్తించాలని సిబ్బందికి సూచించారు. ప్రతి కేసును డిజిటల్ రూపంలో నమోదు చేయాలని ఆదేశించారు.
