'రాజాసింగ్​పై దాడిని ఖండిస్తూ..భాజపా రాస్తారోకో'

గోషామహల్ ఎమ్మెల్యే రాజా సింగ్​పై లాఠీఛార్జ్ చేయడాన్ని నిరసిస్తూ నిజామాబాద్ జిల్లా కేంద్రంలో భాజపా ఆధ్వర్యంలో రాస్తారోకో నిర్వహించారు. రాజా సింగ్​పై పోలీసుల జులుంను తీవ్రంగా ఖండించారు.

రాజాసింగ్​పై దాడికి నిరసనగా నిజామాబాద్ జిల్లా ప్రధాన ప్రయాణ ప్రాంగణానికి ఎదురుగా భాజపా ఆధ్వర్యంలో రాస్తారోకో నిర్వహించారు.
స్వాతంత్ర సమర యోధురాలు రాణి అవంతి భాయ్ విగ్రహాన్ని జుమ్మేరాత్ బజార్​లో పునర్నించేందుకు ప్రయత్నించగా పోలీసులు అడ్డుకోవడం శోచనీయమని నగర భాజపా అధ్యక్షుడు సుధాకర్ తెలిపారు. గోషామహల్ ఎమ్మెల్యే రాజా సింగ్​పై లాఠీఛార్జ్ చేయడం దారుణమని ఆందోళన వ్యక్తం చేశారు.

ఇవీ చూడండి : తాగొచ్చాడు.. మత్తులో అద్దాలు పగులగొట్టాడు..