నిజామాబాద్ ఫుడ్ బ్యాంక్ ఏర్పాటు చేసిన అన్నదాన కార్యక్రమంలో మున్సిపల్ కమిషనర్ జితేష్ వి పాటిల్తో కలిసి కలెక్టర్ నారాయణరెడ్డి పాల్గొన్నారు. లాక్డౌన్లో చిక్కుకున్న వారికి, ఇతర రాష్ట్రాల నుంచి వచ్చిన పేదలకు భోజనం అందించాలనే ఈ కార్యక్రమాన్ని చేపట్టామని కలెక్టర్ అన్నారు. స్వచ్ఛంద సంస్థలతోపాటు దాతలు కూడా ముందుకు వచ్చి ఈ కార్యక్రమాన్ని కొనసాగించడానికి విరాళాలు అందించాలని కోరారు. సాయం చేసే దాతలు సంబంధిత మున్సిపల్ కమిషనర్, ఎంపీడీవోకు సమాచారం అందించాలన్నారు.
నగదు రూపంలో అందించేవారు నిజామాబాద్ ప్రగతి భవన్ ఎస్బీఐ శాఖ ఖాతా నెంబర్ 39245935233, ఐఎఫ్ఎస్సీ కోడ్ SBIN0020961కు వెయ్యి రూపాయల నుంచి ఎంతైనా జమ చేసి అభాగ్యులు, అనాధలకు, అన్నార్తులకు చేయూతను అందించాలన్నారు. ఈ పుణ్య, బృహత్తర కార్యక్రమంలో మీరు భాగస్వాములు కావాలని ఆయన దాతలను కోరారు. ఈ కార్యక్రమంలో ఫుడ్ బ్యాంక్ వ్యవస్థాపక అధ్యక్షులు నవీన్ చంటి, వాలెంటీర్లు పాల్గొన్నారు.
ఇదీ చూడండి : ఆర్టీసీపై తీవ్రంగా పడిన కరోనా ప్రభావం
