నిజామాబాద్ జిల్లా బోధన్ పరిధిలో దారుణం చోటుచేసుకుంది. బోధన్ మండల పరిధిలోని రాకసిపేటకు చెందిన ప్రశాంత్ సీతాలును వివాహం చేసుకున్నాడు. కొన్నాళ్లపాటు బాగానే చూసుకున్నాడు భర్త. ఎప్పుడైతే కల్యాణ లక్ష్మీ చెక్కు వచ్చిందో అప్పుడే అతని అసలు రంగు బయటపడింది. కేవలం డబ్బు కోసమే వివాహమాడానని, ఈ పెళ్లి తనకు ఇష్టం లేదని రోజు సీతాలును వేధించేవాడు. వేధింపులు తట్టుకోలేక ఆరు నెలల గర్భిణిగా ఉన్న సీతాలు తన పుట్టింటికి వెళ్లిపోయింది.
నిప్పు పెట్టి ఆస్పత్రిలో చేర్పించాడు
బాగా చూసుకుంటానని నమ్మించి మళ్లీ తీసుకొచ్చాడు ప్రశాంత్. తల్లి, తమ్ముడితో కలిసి కిరోసిన్ పోసి నిప్పంటించి ఆమెను హతమార్చాలనుకున్నాడు. తీవ్ర గాయాలపాలైన సీతాలును ఆస్పత్రిలో చేర్పించి అంతా పరారయ్యారు. కేసు నమోదు చేసుకున్న పోలీసులు సీతాలు స్టేట్మెంట్ రికార్డు చేసుకున్నారు.
ఇదీ చూడండి : 'చంద్ర గ్రహణం లేదు... చంద్రుని ఛాయ లేదు'
