నిజామాబాద్​ జిల్లాలో చెరువులకు జలకళ

మూడ్రోజుల నుంచి కురుస్తున్న వర్షాలకు ఉమ్మడి నిజామాబాద్ జిల్లాలోని వాగులు, వంకలు, చెరువులన్నీ నిండి పొంగిపొర్లుతున్నాయి.

మూడు రోజుల నుంచి ఎడతెరిపి లేకుండా కురుస్తున్న వర్షాలకు నిజామాబాద్ జిల్లా బోధన్ మండలంలోని పలు చెరువులు పొంగిపొర్లుతున్నాయి. మండలంలోని లంగడపూర్ గ్రామంలోని పసుపు వాగు అలుగు పారుతూ అందరినీ ఆకర్షిస్తోంది. కొత్తనీటితో కళకళలాడుతున్న ఈ అలుగును చూసేందుకు స్థానికులే కాకుండా చుట్టు పక్కల గ్రామాల వాళ్లు కూడా పెద్ద ఎత్తున వస్తున్నారు. నీటిలో ఆడుకుంటూ ఆనందం పొందుతున్నారు.

ఇవీ చూడండి: ప్రభుత్వం ఏకపక్షంగా వ్యవహరిస్తోంది: జీవన్​రెడ్డి