ఎన్నికల సరళిని పరిశీలించిన జిల్లా కలెక్టర్

ఎన్నికల సరళిని నిజామాబాద్ జిల్లా కలెక్టర్ పరిశీలించారు. అధికారులను అడిగి పోలింగ్ వివరాలు తెలుసుకున్నారు. అసౌకర్యాలు కలగకుండా అన్ని ఏర్పాట్లు చేశామని ఆయన తెలిపారు.

నిజామాబాద్ జిల్లాలో రెండో విడత ప్రాదేశిక ఎన్నికల సరళిని జిల్లా కలెక్టర్ ఎం. రామ్మోహన్ రావు పరిశీలించారు. రెంజల్ మండలంలోని రెంజల్, సాటపూర్, నీల గ్రామాల్లోని పోలింగ్ కేంద్రాలకు వెళ్లి అక్కడి పరిస్థితిని అధికారులను అడిగి తెలుసుకున్నారు. ఎన్నికలు ప్రశాంతంగా జరుగుతున్నాయని జిల్లా కలెక్టర్ రామ్మోహన్​రావు తెలిపారు. పోలింగ్ కేంద్రాల్లో ప్రజలకు ఎలాంటి అసౌకర్యం కలగకుండా అన్ని ఏర్పాట్లు చేసినట్టు వెల్లడించారు.