అయ్యప్ప దీక్ష చేపట్టిన స్వాములకు అన్నదానం చేసి ముస్లిం యువకుడు మత సామరస్యాన్ని చాటుకున్నాడు. వివరాల్లోకి వెళ్తే.. నిర్మల్ జిల్లా సోన్ మండలంలోని కడ్తాల్లోని అయ్యప్ప ఆలయంలో గంజాల్ గ్రామానికి చెందిన ఎంపీపీ కో-ఆప్షన్ సభ్యుడు షేక్ ఫక్రోద్దిన్ అయ్యప్ప స్వాములకు శుక్రవారం అన్నదానం చేశాడు. దగ్గరుండి స్వాములకు భోజనాన్ని వడ్డించాడు. ఈ సందర్భంగా ఎన్నో రోజులుగా అయ్యప్ప స్వాములకు అన్నదానం చేయాలనుకుంటున్నానని, ఆ కోరిక నేడు నెరవేరిందని ఫక్రోద్దిన్ హర్షం వ్యక్తం చేశాడు.
మతాలు వేరైనా మనుషులంతా ఒక్కటే అనే భావనతో అన్నదానం చేసినట్లు తెలిపాడు. అంతకుముందు గురుస్వామి నర్సారెడ్డి ఆధ్వర్యంలో ప్రత్యేక పూజా కార్యక్రమాలు చేపట్టారు.
ఇవీ చదవండి:
