Sunnundalu Recipe in Telugu : ఎక్కువ మంది ఇష్టపడే సంప్రదాయ స్వీట్ రెసిపీలలో ఒకటి సున్నుండలు. వీటిని వివిధ రకరకాలుగా ప్రిపేర్ చేసుకుంటుంటారు. అయితే, చాలా మందికి సున్నుండలు అంత పర్ఫెక్ట్గా కుదరవు. అంతేకాకుండా ఇవి తినేటప్పుడు నోటికి అంటుకుంటూ పంటికి జిగురుగా తగులుతుంటాయి. ఓసారి ఈ టిప్స్ ఫాలో అవుతూ "సున్నుండలు" ప్రిపేర్ చేసుకోండి. తినేటప్పుడు నోటికి అంటుకోకుండా పర్ఫెక్ట్ టేస్ట్తో చక్కగా కుదురుతాయి. పైగా వీటి తయారీకి ఎక్కువ పదార్థాలు అవసరం లేదు! ఎవరైనా చాలా సింపుల్గా ఈ లడ్డూలను ప్రిపేర్ చేసుకోవచ్చు. మరి, ఈ సూపర్ టేస్టీ లడ్డూల తయారీకి కావాల్సిన పదార్థాలేంటి? తయారీ విధానమేంటో ఇప్పుడు చూద్దాం.
కావాల్సిన పదార్థాలు :
- మినప్పప్పు - 2 కప్పులు
- పొట్టు మినప్పప్పు - 1 కప్పులు
- బియ్యం - 2 టేబుల్స్పూన్లు
- యాలకులు - 6
- బెల్లం తురుము - 2 కప్పులు
- నెయ్యి - తగినంత
తయారీ విధానం :
- ఇందుకోసం ముందుగా స్టౌపై పాన్ పెట్టుకొని మామూలు మినప్పప్పు, పొట్టు మినప్పప్పు రెండింటిని వేసుకొని లో ఫ్లేమ్ మీద పప్పు రంగు మారి, మంచి సువాసన వచ్చేంత వరకు బాగా వేయించుకోవాలి.
- అలా వేయించుకునేటప్పుడే మధ్యలో బియ్యాన్ని కూడా యాడ్ చేసుకొని చక్కగా వేయించుకోవాలి. ఇలా బియ్యాన్ని యాడ్ చేసుకోవడం ద్వారా సున్నండలు మనం తినేటప్పుడు నోటికి అంటుకోకుండా సూపర్ టేస్టీగా వస్తాయి.
- ఆ విధంగా వేయించుకున్నాక స్టౌ ఆఫ్ చేసుకొని ఆ మిశ్రమాన్ని ఒక ప్లేట్లోకి తీసుకొని చల్లార్చుకోవాలి.
- ఇప్పుడు మిక్సీ జార్ తీసుకొని అందులో చల్లారిన మినప్పప్పు మిశ్రమం, యాలకులు వేసుకొని మెత్తని పౌడర్లా మిక్సీ పట్టుకోవాలి.
- ఆ తర్వాత అందులో బెల్లం తురుము వేసుకొని మరోసారి మెత్తగా గ్రైండ్ చేసుకోవాలి. ఇక్కడ ఒక కప్పు మినప్పప్పుకి 1 కప్పు బెల్లం తురుముని తీసుకోవాలి.
- ఆవిధంగా మిక్సీ పట్టుకున్నాక ఆ మిశ్రమాన్ని ఒక వెడల్పాటి ప్లేట్(బేషన్)లో వేసుకొని చేతితో ఒకసారి రబ్ చేస్తూ పిండి మొత్తాన్ని చక్కగా కలుపుకోవాలి. ఇలా మిక్స్ చేసుకోవడం ద్వారా పిండిలో ఏమైనా చిన్న చిన్న బెల్లం ఉండలు ఉంటే కలిసిపోతాయి.
- ఇప్పుడు కలిపిపెట్టుకున్న పిండిలో ముందుగానే కాచి చల్లార్చుకున్న నెయ్యిని కొద్దికొద్దిగా యాడ్ చేసుకుంటూ పిండిని ముద్దలా చేసుకోవడానికి వీలుగా చక్కగా మిక్స్ చేసుకోవాలి.
- అలా మిక్స్ చేసుకున్నాక కొద్దికొద్దిగా పిండిని చేతిలోకి తీసుకుంటూ ఉండలుగా చుట్టుకోవాలి. అంతే, సూపర్ టేస్టీ "సున్నండలు" రెడీ!
- ఈ లడ్డూ మంచి బలమైన ఫుడ్ అని చెప్పుకోవచ్చు. పిల్లలతో పాటు పెద్దలు డైలీ ఒక సున్నుండ తిన్నారంటే శరీరానికి కావాల్సిన పోషకాలు అంది హెల్దీగా ఉంటారంటున్నారు నిపుణులు.
ఇవీ చదవండి :
చలికాలంలో మోకాళ్లు, కీళ్ల నొప్పులను తగ్గించే సూపర్ లడ్డూ - ఇలా చేసుకుంటే టేస్ట్ అదుర్స్!
"మోతిచూర్ లడ్డూ" - ఈ టెక్నిక్ తెలిస్తే బూందీ గరిటెతో పనేలేదు - టేస్ట్లో నో కాంప్రమైజ్!
