ప్రేమ పేరుతో 200 మందిని ట్రాప్ చేశాడు..

యువతులతో చాటింగ్ చేసి ప్రేమలోకి దించుతాడు. వారి ఫోటోలు, వీడియోలు సేకరించి సామాజిక మాధ్యమాల్లో పోస్టు చేస్తానంటూ... బెదిరింపులకు పాల్పడతాడు. కొందరిని నుంచి డబ్బులు వసూలు చేస్తూ... మరి కొందరిని శారీరక వాంఛ తీర్చాలంటూ బెదిరిస్తున్న మోసగాడిని నల్గొండ పోలీసులు అదుపులోకి తీసుకున్నారు.

వరంగల్​ జిల్లా చెన్నారావుపేటకు చెందిన అఖిల్ అలియాస్ చందు... సికింద్రాబాద్​ అడ్డుగుట్టలోని హోమ్​కేర్ సెంటర్లో వార్డు బాయ్​గా పనిచేసేవాడు. అక్కడ పనిచేస్తూ... ఉద్యోగం కోసం పట్టణానికి వచ్చిన యువతులతో పరిచయాలు పెంచుకుని మొబైల్​ నంబర్లు తీసుకునేవాడు. సామాజిక మాధ్యమాల ద్వారా ప్రేమను వ్యక్తపరచి... చాటింగ్, వీడియో కాల్స్​ ద్వారా వారి ఫొటోల్ని సేకరించేవాడు.

''అలా సేకరించిన ఫోటోలను సామాజిక మాధ్యమాల్లో పోస్టు చేస్తానని బెదిరించేవాడు. కొందరిని డబ్బులు ఇవ్వాలని... మరికొందరిని కోరిక తీర్చాలని బలవంత పెట్టేవాడు. సుమారు 200 మంది యువతులు ఇతని ట్రాప్​లో పడ్డారు. నల్గొండలో ఓ అమ్మాయి షీటీమ్​ను సంప్రదించడంతో ఇతని బండారం బయటపడింది. ఇంతకు ముందు కూడా కేసులు ఉన్నా... తప్పించుకుంటూ తిరిగేవాడు.''

-జిల్లా ఎస్పీ, ఎ.వి. రంగనాథ్

ఇవీ చూడండి: ఇదే మొదటిసారి?...ఒకే ఇంట్లో 26 మందికి కరోనా