నల్గొండ జిల్లాలోని కేతేపల్లి మండలం ఇనుపాముల గ్రామం వద్ద రోడ్డు ప్రమాదం జరిగింది. సంగారెడ్డి జిల్లా జోగిపేట నుంచి ప్రకాశం జిల్లా అద్దంకికి వెళ్తున్న సమయంలో హైదరాబాద్-విజయవాడ రహదారిపై ఇనుపాముల వద్ద దుర్ఘటన చోటు చేసుకుంది. ఘటనలో ఆరుగురు వ్యక్తులు తీవ్ర గాయాలపాలయ్యారు.
టాటా ఏస్ను ఢీ కొట్టిన లారీ !
క్షతగాత్రుల్ని నకిరేకల్ ప్రాంతీయ ఆసుపత్రికి తరలించి చికిత్స అందిస్తున్నారు. రెండు టాటా ఏస్ వాహనాలు ఇనుపాముల వద్ద యూటర్న్ తీసుకునే క్రమంలో నెమ్మదించాయి. ఆ సమయంలో వెనుక నుంచి వచ్చిన లారీ... ముందున్న ఏస్ వాహనాన్ని బలంగా ఢీకొట్టింది. వాహనంలో మొత్తం 10 మంది ఉండగా ఆరుగురికి గాయాలయ్యాయి. లారీ డ్రైవర్ నిర్లక్ష్యం వల్లే ఘటన జరిగినట్లు పోలీసులు ప్రాథమికంగా తేల్చారు.
