Minister Uttam Kumar Reddy Political Profile : నలమాద ఉత్తమ్ కుమార్ రెడ్డి 1962 జూన్ 20న నల్గొండ జిల్లాలో జన్మించారు. బీఎస్సీలో గ్రాడ్యుయేట్ పూర్తి చేసిన ఆయన కాంగ్రెస్ నుంచి ఆరుసార్లు ఎమ్మెల్యేగా, నల్గొండ ఎంపీగా పని చేశారు. ఉమ్మడి ఆంధ్రప్రదేశ్లో ఎక్కువ కాలం పీసీసీ అధ్యక్షుడిగా పని చేసిన ఉత్తమ్ కుమార్‌రెడ్డి, కేంద్ర ఎన్నికల కమిటీ సభ్యుడిగా, స్క్రీనింగ్‌ కమిటీ సభ్యుడిగా పని చేశారు. భారత వైమానిక దళంలో మాజీ ఫైటర్ పైలట్గా, నేషనల్ డిఫెన్స్ అకాడమీలో సీనియర్ కమర్షియల్ పైలెట్స్ లైసెన్స్ హోల్టర్‌గా ఉత్తమ్ కుమార్ రెడ్డి సేవలందించారు.
Huzurnagar MLA Nalamada Uttam Kumar Reddy Biodata : రాష్ట్రపతి భవన్‌లో భద్రత, ప్రొటోకాల్, పరిపాలన, రాష్ట్రపతి విదేశీ పర్యటనల కంట్రోలర్‌గా ఉత్తమ్ పని చేశారు. 1994లో కాంగ్రెస్ తరపున కోదాడ నుంచి బరిలోకి దిగి తొలి ఎన్నికల్లో ఓటమి పాలయ్యారు. 1999, 2004 ఎన్నికల్లో కోదాడ నుంచే విజయం సాధించారు. 2009, 2014లో హుజూర్నగర్ నుంచి బరిలోకి దిగి, వరుస విజయాలు సొంతం చేసుకున్నారు. శ్రీకృష్ణ కమిటీ నివేదికపై చర్చించేందుకు 2011 జనవరిలో అప్పటి కేంద్ర హోం మంత్రి పి.చిదంబరం నిర్వహించిన అఖిలపక్ష సమావేశంలో తెలంగాణ ప్రాంతం నుంచి ప్రాతినిథ్యం వహించారు. ఉమ్మడి ఆంధ్రప్రదేశ్ కిరణ్ కుమార్ రెడ్డి మంత్రివర్గంలో 2012 నుంచి 2014 వరకు గృహ నిర్మాణ శాఖ మంత్రిగా పని చేశారు.
రాజీనామాలు సమర్పించేందుకే కేబినెట్ భేటీ పెట్టారేమో : ఉత్తమ్కుమార్ రెడ్డి
2014లో పీసీసీ కార్యనిర్వాహక అధ్యక్షునిగా ఎన్నికైన ఉత్తమ్, 2015 నుంచి జూన్ 2021 వరకు పీసీసీ అధ్యక్షుడిగా పార్టీకి సేవలందించారు. 2018 ఎన్నికల్లో హుజూర్నగర్ నుంచి గెలిచిన ఉత్తమ్ కుమార్ రెడ్డి, అదే సంవత్సరం తన ఎమ్మెల్యే పదవికి రాజీనామా చేశారు. 2019 సార్వత్రిక ఎన్నికల్లో నల్గొండ ఎంపీగా పోటీ చేసి గెలిచారు. మళ్లీ తాజాగా జరిగిన సార్వత్రిక ఎన్నికల్లో భారీ మెజార్టీతో గెలిచిన ఉత్తమ్ కుమార్ రెడ్డి ఇవాళ రాష్ట్ర మంత్రిగా ప్రమాణ స్వీకారం చేశారు.
ఉత్తమ్ వర్సెస్ సైదిరెడ్డి - హుజూర్నగర్లో కిడ్నాప్ డ్రామా - అసలేం జరిగింది?
ఉత్తమ్ కుమార్ రెడ్డి బయోడేటా:
- జననం 20 06 1962
- బీఎస్సీలో గ్రాడ్యుయేట్ చేసిన ఉత్తమ్
- భారత వైమానిక దళంలో మాజీ ఫైటర్ పైలట్గా విధులు
- నేషనల్ డిఫెన్స్ అకాడమీలో సీనియర్ కమర్షియల్ పైలెట్స్ లైసెన్స్ హోల్టర్
- రాష్ట్రపతి భవన్‌లో భద్రత, ప్రొటోకాల్, పరిపాలన, రాష్ట్రపతి విదేశీ పర్యటనల కంట్రోలర్‌గా పని చేసిన ఉత్తమ్
- కాంగ్రెస్ నుంచి ఆరుసార్లు ఎమ్మెల్యేగా, నల్గొండ ఎంపీగా గెలిచిన ఉత్తమ్ కుమార్ రెడ్డి
- 1994లో కాంగ్రెస్ తరఫున కోదాడ నుంచి బరిలోకి దిగి తొలి ఎన్నికల్లో ఓటమి
- 1999, 2004 ఎన్నికల్లో కోదాడ నుంచే విజయం సాధించిన ఉత్తమ్
- 2009, 2014లో హుజూర్నగర్ నుంచి బరిలోకి దిగి వరుస విజయాలు
- ఉమ్మడి ఆంధ్రప్రదేశ్లో కిరణ్ కుమార్ రెడ్డి మంత్రివర్గంలో 2012 నుంచి 2014 వరకు గృహ నిర్మాణ శాఖ మంత్రిగా పని చేసిన ఉత్తమ్
- 2014లో పీసీసీ కార్యనిర్వాహక అధ్యక్షునిగా, 2015 నుంచి జూన్ 2021 వరకు పీసీసీ అధ్యక్షుడిగా సేవలందించిన ఉత్తమ్
- 2018 ఎన్నికల్లో హుజూర్నగర్ నుంచి గెలిచిన ఉత్తమ్ కుమార్ రెడ్డి
- 2018లో హుజూర్నగర్ ఎమ్మెల్యే పదవికి రాజీనామా
- 2019 సార్వత్రిక ఎన్నికల్లో నల్గొండ ఎంపీగా పోటీ చేసి గెలిచిన ఉత్తమ్
కోదాడలో కాంగ్రెస్కు మద్దతు తెలిపిన టీడీపీకి రుణపడి ఉంటా: ఉత్తమ్ కుమార్ రెడ్డి
సీఎం అభ్యర్థిగా అధిష్ఠానం ఎవరి పేరు ప్రకటించినా నాకు నో ప్రాబ్లమ్ : ఉత్తమ్కుమార్ రెడ్డి
