సాగర్ ఉప ఎన్నికలో తెరాస అభ్యర్థి నోముల భగత్ విజయం ఖాయమని మంత్రి తలసాని శ్రీనివాస్ యాదవ్ పేర్కొన్నారు. కాంగ్రెస్ అభ్యర్థి జానారెడ్డికి ఓటమి భయం పట్టుకుందని తెలిపారు. ఆ భయంతోనే తెరాస నాయకులపై ఇష్టమొచ్చినట్లు మాట్లాడుతున్నారని మండిపడ్డారు.
జానారెడ్డి గత 35 ఏళ్లుగా ప్రజలను మోసం చేస్తున్నారని తలసాని విమర్శించారు. వారిని చైతన్యం చేయడానికే తాము ఎన్నికల ప్రచారంలో పాల్గొంటున్నామని అన్నారు. ఈ సందర్భంగా కరోనా సమయంలో నాగార్జునసాగర్ నియోజకవర్గ పరిధిలో ఉత్తమ్కుమార్ రెడ్డి ఎంపీ నిధులు ఎంత ఖర్చు చేశారో చెప్పగలరా అంటూ ప్రశ్నించారు. కాంగ్రెస్ నాయకులకు సాగర్ ఉప ఎన్నికలో పరాభవం తప్పదని వ్యాఖ్యానించారు.
ఇదీ చూడండి: ఫ్లైఓవర్ పనులను పరిశీలించిన కేంద్ర మంత్రి కిషన్ రెడ్డి
