నల్గొండలో కార్తిక పౌర్ణమి వేడుకలు ఘనంగా జరుపుకున్నారు. పట్టణంలోని పచ్చల సోమేశ్వరాలయం, ఛాయా సోమేశ్వరాలయాల్లో భక్తులు అభిషేకాలు నిర్వహించారు. శివనామ స్మరణతో ఆలయాలు మారుమోగాయి. మహిళలు అధిక సంఖ్యలో పాల్గొని కోనేరులో దీపాలు వెలిగించి భక్తిని చాటుకున్నారు. ఎంతో ప్రాముఖ్యత ఉన్న ఈ ఆలయాన్ని జిల్లా నుంచే కాకుండా ఇతర రాష్ట్రాల భక్తులు కూడా దర్శించుకుంటారని... ఆలయ ఛైర్మన్ గంట్ల అనంత రెడ్డి అన్నారు. భక్తులకు ఎలాంటి ఇబ్బందులు కలగకుండా అన్ని సౌకర్యాలు కల్పిస్తున్నట్లు తెలిపారు.
భక్తులతో కిటకిటాడిన 'సోమేశ్వరాలయాలు'
