చండూరులో 49వ రోజుకు చేరిన నేతన్నల రిలే నిరాహార దీక్షలు

చండూరులో చేనేత కార్మికులు చేపట్టిన రిలే నిరాహార దీక్షలు 49వ రోజుకు చేరుకున్నాయి. కరోనాతో రోడ్డున పడిన నేతన్నల కుటుంబాలను ఆదుకోవాలని ప్రభుత్వాన్ని డిమాండ్​ చేస్తున్నారు.

కరోనా చేనేత కార్మికులను రోడ్డున పడేసింది. చేనేత కార్మికులను ప్రభుత్వం ఆదుకోవాలంటూ నల్గొండ జిల్లా చండూరు పట్టణంలో నేతన్నలు చేపట్టిన రిలే నిరాహార దీక్షలు నేటితో 49వ రోజుకు చేరుకున్నాయి. నేడు పట్టణ కేంద్రంలోని చౌరస్తాలో గల వాటర్​ ట్యాంక్​ ఎక్కి చేనేత కార్మికులు నిరసన తెలిపారు. ప్రభుత్వం నుంచి ఎలాంటి భరోసా లభించకపోవడం వల్ల నేతన్నలు ఆందోళనకు గురవుతున్నారు. ఇప్పటికైనా సర్కారు స్పందించి చేనేత కార్మికులను ఆదుకోవాలని కోరుతున్నారు.

ఇవీ చూడండి: ఆదర్శానికి నిలువెత్తు ఆ ఉపాధ్యాయులు...