ప్రతిపక్షాల గొంతుకతో తాము ప్రజల పక్షాన్నే మాట్లాడుతామని కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి స్పష్టం చేశారు. ముఖ్యమంత్రితో పాటు మంత్రులతో వ్యక్తిగతంగా ఎలాంటి వైరంలేదన్నారు. మంత్రి ఎర్రబెల్లి దయాకర్ రావు తనను జోకర్‌ అన్నారని... ఎవరు జోకరో మంత్రి విజ్ఞతకే వదిలేస్తున్నట్లు చెప్పారు.
కృష్ణ జలాలతో నల్గొండలో ప్లోరైడ్ను తరిమికొట్టింది కాంగ్రెస్ పార్టీయేనని స్పష్టం చేశారు. కాంగ్రెస్ హయాంలో నిర్మించిన పవర్ ప్రాజెక్టుల వల్లే రాష్ట్రంలో 24 గంటల విద్యుత్కు కారణమని పేర్కొన్నారు. తెరాస మొదలుపెట్టిన ఒక్క పవర్ ప్రాజెక్టు కూడా పూర్తికాలేదని విమర్శించారు. సీఎం కేసీఆర్ మంచి పనులు చేస్తే శాలువా కప్పి అభినందిస్తామని... ఇచ్చిన హామీలను నెరవేర్చకుంటే నిలదీస్తామన్నారు.
ఆ పనులు చేస్తే కేసీఆర్ను శాలువాతో సన్మానిస్తా: రాజగోపాల్ రెడ్డి
ఇదీ చూడండి: 'రాష్ట్ర ఆర్థిక స్థితి బాగాలేకపోతే ఇవన్నీ ఎలా అమలు చేస్తాం?'
