KTR VS BJP: నల్గొండ జిల్లా పర్యటనకు వెళ్తున్న మంత్రి కేటీఆర్‌ను భాజపా శ్రేణులు అడ్డుకునేందుకు ప్రయత్నించాయి. చిట్యాలలో కేటీఆర్ కాన్వాయ్ను అడ్డుకునేందుకు ఆ పార్టీ కార్యకర్తలు యత్నించారు. ఇంటికో ఉద్యోగం హామీ ఏమైందంటూ ప్లకార్డులు ప్రదర్శించారు. ఈ క్రమంలో ఆందోళన చేస్తున్న కమలం పార్టీ శ్రేణులను పోలీసులు అదుపులోకి తీసుకున్నారు.
అందుకోసమే నల్గొండ పర్యటన
రెండు రోజుల క్రితం నల్గొండ జిల్లాలో పర్యటించిన సీఎం కేసీఆర్.... సిద్దిపేట, గజ్వేల్‌ తరహాలో నల్గొండను అభివృద్ధి చేయాలని నిర్దేశించారు. అందుకు అనుగుణంగా పట్టణంలో మౌలిక సౌకర్యాల కల్పన, సుందరీకరణ పనులు చేపట్టేందుకు ప్రత్యేక కార్యాచరణకు శ్రీకారం చుట్టారు. అందులో భాగంగా మంత్రులు కేటీఆర్, జగదీశ్ రెడ్డి, ప్రశాంత్ రెడ్డి నేడు నల్గొండకు బయలుదేరారు.
తొలుత ప్రభుత్వ పాలిటెక్నిక్ కళాశాలలో ఐటీ హబ్తో పాటు ఎస్సీ, ఎస్టీ వసతి గృహాల నిర్మాణాలు, సమీకృత మార్కెట్ సముదాయానికి శంకుస్థాపన చేయనున్నారు. పట్టణంలో మౌలిక సౌకర్యాల కల్పన, సుందరీకరణ పనులు చేపట్టేందుకు ప్రత్యేక కార్యాచరణకు శ్రీకారం చుట్టారు.
ఇదీ చదవండి: KTR Nalgonda Tour : నేడు నల్గొండకు మంత్రి కేటీఆర్
