నాగార్జునసాగర్ ఉపఎన్నికల్లో భాజపా జెండా ఎగురుతుందని సాగర్ ఉపఎన్నికల భాజపా సమన్వయకర్తలు సంకినేని వెంకటేశ్వరరావు, మాజీ ఎంపీ చాడ సురేశ్రెడ్డి ధీమా వ్యక్తం చేశారు. ఉపఎన్నికల్లో తెరాస, కాంగ్రెస్ పార్టీలను ప్రజలు నమ్మరని తేల్చిచెప్పారు. సాగర్లో ఎలాంటి అభివృద్ధి చేయని తెరాస, కాంగ్రెస్ పార్టీలు ఓట్లెలా అడుగుతాయని ప్రశ్నించారు.
కేంద్ర ప్రభుత్వం నిధులను దారి మళ్లించి మోదీ ప్రభుత్వం ఏమి ఇవ్వడం లేదని తెరాస ప్రచారం చేస్తోందని ఆరోపించారు. పార్టీ అధిష్ఠానం ఎవ్వరికి టిక్కెట్ ఇచ్చినా... అందరూ కలిసి పనిచేసి కాషాయ జెండా ఎగరేయాలని కార్యకర్తలను కోరారు.
