నాగర్కర్నూల్ పట్టణంలో దొంగలు హల్చల్ చేశారు. హౌసింగ్ బోర్డు బీసీ కాలనీలో తాళం వేసున్న ఓ ఇంటిని కొల్లగొట్టారు. ఏడున్నర తులాల బంగారం, 25తులాల వెండి, రూ.80వేల నగదు దోచుకెళ్లారని బాధితులు వాపోతున్నారు. వారం కిందట ఇంట్లో పెళ్లి జరిగింది. నిన్న సాయంత్రం ఇంటికి తాళం వేసి అందరూ ఊరెళ్లారు. ఇవాళ ఉదయం లైటింగ్ తీయడానికొచ్చిన వాళ్లు తాళం విరిగిపోయి ఉండడం చూసి యజమానికి సమాచారం అందించారు. బాధితులు ఫిర్యాదుతో కేసు నమోదు చేసుకున్న పోలీసులు దర్యాప్తు చేపట్టారు. జిల్లా ఇన్ఛార్జి ఎస్పీ అపూర్వ రావు, డీఎస్పీ మోహన్ రెడ్డి ఘటనా స్థలిని పరిశీలించారు. క్లూస్టీం సహాయంతో ఆధారాలు సేకరిస్తున్నారు. ఇదిలా ఉండగా గత కొన్ని రోజులుగా నగరంలో జరుగుతున్న వరుస దొంగతనాలతో ప్రజలు భయాందోళనలకు గురవుతున్నారు.
నాగర్ కర్నూల్ జిల్లా కేంద్రంలో దొంగలు హల్చల్
ఇదీ చూడండి: ఓవైసీ ఆస్పత్రికి గుమస్తా చంద్రయ్య తరలింపు
