నాగర్ కర్నూల్ జిల్లా అమ్రాబాద్ మండలం నల్లమలలోని ఫరహాబాద్ వద్ద ఘోర రోడ్డు ప్రమాదం జరిగింది. గద్వాల జిల్లా దౌదార్పల్లి, చెన్నమోనిపల్లి గ్రామాలకు చెందిన కుటుంబాలు.. దైవ దర్శనానికి శ్రీశైలం వెళ్లి తిరిగి వస్తుండగా ఘటన సంభవించింది. ఫరహాబాద్ చౌరస్తా వద్దకు రాగానే.. మలుపు వద్ద బొలేరో వాహనం బోల్తా పడింది.
ఈ ప్రమాదంలో 13 మందికి తీవ్రగాయాలయ్యాయి. నవీన్ అనే వ్యక్తి అక్కడికక్కడే మృతి చెందాడు. మరో నలుగురి పరిస్థితి విషమంగా ఉంది. వాళ్లను మెరుగైన చికిత్స కోసం హైదరాబాద్కు తరలించారు. ఘటనాస్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు. అతివేగమే ప్రమాదానికి కారణమని పోలీసులు ప్రాథమికంగా తేల్చారు.
దైవదర్శనం చేసుకొని వెళ్తుండగా ప్రమాదం... ఒకరి మృతి
