మహిళ కడుపులో 12కిలోల కణితి

పాచిపని చేసుకుంటూ జీవించే మహిళ అనారోగ్యం పాలైంది. ఆస్పత్రికి వెళ్తే కడుపులో 12కిలోల కణితి గుర్తించారు. శస్త్ర చికిత్స చేసి ఆమెను కాపాడారు.

నాగర్ కర్నూలు జిల్లా కల్వకుర్తి పట్టణంలోని సీబీఎమ్ ప్రజా వైద్యశాలలో అరుదైన శస్త్రచికిత్స ఓ మహిళ ప్రాణాన్ని నిలబెట్టారు వైద్యులు. చారగొండ మండలం జూపల్లి గ్రామానికి చెందిన వెలజల్ యాదమ్మ హైదరాబాద్​లో ఉంటూ ఇళ్లలో వంట పని చేసుకొని బతుకుతోంది. గత రెండేళ్లుగా అనారోగ్యంతో బాధపడుతున్నా పట్టించుకోలేదు. గత కొన్నాళ్లుగా ఆరోగ్యం పూర్తిగా క్షీణించడంతో సీబీఎం ప్రజా వైద్యశాల వెళ్లింది. ఆమెకు థైరాయిడ్ సమస్య ఉందని, కడుపులో 12 కిలోల కణితి గుర్తించారు. ఈ రోజు ఉదయం గంటన్నరపాటు శ్రమించి కణితిని తొలగించారు. విజయవంతంగా శస్త్ర చికిత్స పూర్తి చేసిన వైద్య బృందాన్ని పలువురు అభినందించారు.

ఇవీ చూడండి: కాళేశ్వర ఆలయం, గ్రామాభివృద్ధికి రూ.100 కోట్లు