గ్రామ పంచాయతీల అభివృద్ధికి అధికారులు కృషి చేయాలని పల్లెప్రగతి రాష్ట్ర పరిశీలకులు కృష్ణయ్య అన్నారు. నాగర్కర్నూల్ జిల్లా కల్వకుర్తి మండలంలోని జిల్లెల, వేపూర్ గ్రామాల్లో ఆకస్మికంగా తనిఖీ చేశారు. హరితహారంలో భాగంగా ప్రతి గ్రామంలో మొక్కలను నాటి సంరక్షణ చేపట్టాలని అధికారులను ఆదేశించారు.
గ్రామాల్లో ప్రభుత్వ పాఠశాలలు, అంగన్వాడీ కేంద్రాలు, డంపింగ్యార్డుల్లో ఎప్పటికప్పుడు అభివృద్ధి పనులు సక్రమంగా నిర్వహించాలన్నారు. గ్రామాల సర్పంచులకు, యువజన సంఘాల సభ్యులకు పలు సూచనలు చేశారు.
ఈ కార్యక్రమంలో గ్రామ సర్పంచులు జంగయ్య, మాధవి, ఉప సర్పంచ్ రాజు, ఎంపీటీసీ శోభా, గ్రామ కార్యదర్శులు తిరుపతయ్య, ఇందిర, యువజన సంఘాల సభ్యులు, గ్రామస్థులు పాల్గొన్నారు.
