నాగర్ కర్నూలు జిల్లా కొల్లాపూర్ నియోజకవర్గంలోని వివిధ మండలాల్లో రాత్రి నుంచి కురుస్తున్న వర్షాలకు వాగులు, వంకలు ఉద్ధృతంగా ప్రవహిస్తున్నాయి. రోడ్లన్నీ జలమయం అయ్యాయి. కోడేరు మండలం బావాయిపల్లి వాగు పొంగిపొర్లుతోంది. ద్విచక్రవాహనంపై వెళుతున్న ఇద్దరు వ్యక్తులు వాహనంతో పాటు కొట్టుకు పోతుండగా గ్రామస్థులు వారిని తాడు సాయంతో కాపాడారు.
కొల్లాపూర్ మండలంలో కుడుముల వాగు, నార్లాపూర్ పెద్ద వాగులు పొంగిపొర్లడంతో వాహనాల రాకపోకలు నిలిచిపోయాయి. ముక్కిడిగుండం గ్రామంలో 4 ఇళ్లు, పూరి గుడిసెలు కూలిపోయాయి. వనపర్తి జిల్లా వీపనగండ్ల మండలం గోపాల్ దిన్నె రిజర్వాయర్ అలుగు పోయడంతో గోవర్ధనగిరికి వీపనగండ్ల గ్రామాలకు రాకపోకలు స్తంభించాయి.
