నాగర్కర్నూల్ జిల్లా పెంట్లవెల్లి మండలం జటప్రొల్ గ్రామానికి చెందిన 11 మంది రైతులు కలెక్టర్ కార్యాలయంపైకి ఎక్కి ఆందోళనకు దిగారు. పశువులకు మేత కోసం సమీపంలోని గోపులపురం గ్రామంలోని మశన్న అనే రైతు నుంచి ఈ 11 మంది రైతులు రెండున్నర ఏకురాల భూమి 1994 లో కొన్నారు. కానీ ఈ మధ్య కాలంలో భూమి అమ్మిన మశన్న చనిపోయాడు.
ఆ తర్వాత అతని అల్లుడు తమ భూమిని ఆక్రమించి, దౌర్జన్యం చేస్తున్నాడంటూ రెవిన్యూ అధికారుల వద్ద ఈ రైతులు ఆవేదన వ్యక్తం చేశారు. పోలీసులకు ఫిర్యాదు చేశారు. కానీ దీనిపై ఎవరూ స్పందించకపోవడం వల్ల విసుగుపోయిన రైతులు పెట్రోల్బాటిళ్లు పట్టుకుని కలెక్టర్ కార్యలయంపైకి ఎక్కి నిరసన వ్యక్తంచేశారు.
తమ సమస్యను పరిష్కరించకపోతే ఆత్మహత్య చేసుకుంటామంటూ ఆందోళనకు దిగారు. విషయం తెలుసుకున్న జిల్లా కలెక్టర్ శ్రీధర్ వారి సమస్య పరిష్కరిస్తామని హామీ ఇవ్వడం వల్ల ఆందోళన విరమించారు.
ఇవీ చూడండి: కాకతీయ కాలువలో ఎమ్మెల్యే చెల్లి, బావ, మేనకోడలి మృతదేహాలు
