నాగర్ కర్నూల్ జిల్లా అచ్చంపేట మున్సిపాలిటీ పరిధిలోని మల్లంకుంట బఫర్ జోన్లో నిర్మించిన ఆక్రమ నిర్మాణాలను మున్సిపాలిటీ ఆధికారులు కూల్చివేశారు. గతంలో ఈ ప్రాంతంలో అక్రమ నిర్మాణాలను చేపట్టారని వాటిపై చర్యలు తీసుకోవాలని కొందరు వ్యక్తులు అధికారులకు పలుమార్లు విన్నవించినా స్పందించలేరు. అధికారులు పట్టించుకోకపోవడం వల్ల అచ్చంపేట పట్టణానికి చెందిన కొందరు వ్వక్తులు హైకోర్టును ఆశ్రయించారు. హైకోర్టు ఆ అక్రమ కట్టడాలను కూల్చేయాలని ఆదేశాలు జారీ చేయడంతో స్థానిక పోలీసుల సహకారంతో భవనాలను కూల్చివేయడానికి మున్సిపల్ అధికారులు చర్యలకు చేపట్టారు. వీటితో పాటు మున్సిపాలిటీ పరిధిలోని చాలా ప్రాంతాల్లో ఇలాంటి ఆక్రమ నిర్మాణాలు ఉన్నాయని వాటిని కూడా తోలగించాలని అచ్చంపేట పట్టణ ప్రజలు ప్రభుత్వాన్ని డిమాండ్ చేస్తున్నారు.
ఇవీ చూడండి: నేటి అర్ధరాత్రి నుంచే సమ్మె... ప్రత్యామ్నాయ మార్గాల్లో ప్రభుత్వం!
