మేడారానికి హైదరాబాద్​ నుంచి 500 ప్రత్యేక బస్సులు

ఆసియాలోనే అతి పెద్దదైన మేడారం సమ్మక్క-సారలమ్మ జాతరకు ఆర్టీసీ ప్రత్యేక బస్సులను నడపాలని నిర్ణయించింది. హైదరాబాద్ నుంచి 500 ప్రత్యేక బస్సులను నడపనున్నట్లు రంగారెడ్డి ఆర్​ఎం వరప్రసాద్ వెల్లడించారు. ఫిబ్రవరి 2నుంచి 8వ తేదీ వరకు ఈ బస్సులను నడపనున్నట్లు స్పష్టం చేశారు. భక్తుల రద్దీ దృష్ట్యా మరిన్ని బస్సులు నడిపించేందుకు సిద్ధంగా ఉన్నామని తెలిపారు.

ఈ ఏడాది మేడారం సమ్మక్క సారలమ్మ జాతరకు అమ్మవారి గద్దెల వరకు ఆర్టీసీ ప్రత్యేక బస్సులు నడుపుతోందని రంగారెడ్డి ఆర్‌ఎం వరప్రసాద్‌ ప్రకటించారు. ఫిబ్రవరి 2 నుంచి 8వ తేదీ వరకు ఆర్టీసీ తరఫున 500 ప్రత్యేక బస్సులు నడపనున్నట్లు ఆయన తెలిపారు. ప్రత్యేక బస్సులకు ఒకటిన్నర శాతం ఛార్జీలు వసూలు చేస్తున్నట్లు చెప్పారు. బస్సు సీట్ల రిజర్వేషన్‌ కోసం www.tsrtconline.in లో చేసుకోవచ్చునని పేర్కొన్నారు.

ఈ నెల 26వ తేదీన రద్దీ దృష్ట్యా ప్రయోగాత్మకంగా 40 ప్రత్యేక బస్సులను అందుబాటులో ఉంచనున్నట్లు తెలిపారు. ఎంజీబీఎస్, జూబ్లీ బస్‌స్టేషన్‌, దిల్‌సుఖ్‌నగర్, జగద్గిరిగుట్ట, నేరేడ్‌మెట్‌, కేపీహెచ్‌బీ, మియాపూర్, లింగంపల్లి, లాల్‌ దర్వాజ ప్రాంతాల నుంచి ఈ బస్సులు నడుపనున్నట్లు వెల్లడించారు.

ఇవీ చూడండి: మంత్రి ఎర్రబెల్లిపై ఎన్నికల సంఘానికి కాంగ్రెస్ ఫిర్యాదు