తెరాస సానుభూతిపరులే నా బలం: రేవంత్​రెడ్డి

ప్రచారంలో మల్కాజిగిరి కాంగ్రెస్ అభ్యర్థి రేవంత్ రెడ్డి దూసుకుపోతున్నారు. రోజుకో నియోజకవర్గంలో నేతలను కలుసుకుంటూ...ప్రచారం చేస్తున్నారు. ఓటర్ల నుంచి స్పందన బాగుందన్నారు. గులాబీ కార్యకర్తల నుంచి కూడా తనకు అనేక సందేశాలు వస్తున్నాయని ఇప్పుడు వారే తన బలమన్నారు.

మల్కాజిగిరిలో కాంగ్రెస్​ విజయం సాధించాల్సిన అవసరం ఉందని ఆ పార్టీ అభ్యర్థి రేవంత్​రెడ్డి అభిప్రాయపడ్డారు. ఇక్కడ హస్తం జెండా ఎగిరితేనే తెరాస నాయకులకు ప్రగతి భవన్​ గేట్లు తెరుచుకుంటాయని లేకపోతే ఆ ద్వారాల్లో గుత్తేదార్లకు మాత్రమే ప్రవేశం ఉంటుందన్నారు.

ఎన్నికల ప్రచారంలో భాగంగా కంటోన్మెంట్ భాజపా నేత గణేష్​ను రేవంత్​రెడ్డి కలసి మద్దతు కోరారు. కాంగ్రెస్​లో చేరితే... సముచిత స్థానం కల్పిస్తామని హామీ ఇచ్చారు.

తెరాసలో వ్యాపారవేత్తలకు మాత్రమే టికెట్లు కేటాయిస్తున్నారని వారిని గెలిపిస్తే ఎంపీ పదవిని స్వలాభాలకే ఉపయోగిస్తారని, ప్రజాసమస్యలు పట్టించుకోరని ఆరోపించారు రేవంత్ రెడ్డి. ఇప్పుడు తన బలం తెరాస సానుభూతి పరులేనని అభిప్రాయపడ్డారు. కంటోన్మెంట్​లో రహదారి సమస్య కోసం పోరాడతామని స్పష్టం చేశారు.

ఇవీచూడండి:'తొలగించడం అసంభవం..!'