తాళం వేసిన ఓ ఇంట్లో చోరీ

తాళం వేసిన ఇంట్లో చోరీ జరిగిన ఘటన మేడ్చల్​ జిల్లా జీడిమెట్ల పరిధిలో చోటుచేసుకుంది. రాజాసింగ్​ అనే వ్యక్తి తన బంధువు చనిపోవడం వల్ల ఇంటికి తాళం వేసి చేవెళ్లకు వెళ్లారు. గమనించిన దొంగలు తాళం పగులగొట్టి చోరీకి పాల్పడ్డారు. పోలీసులు కేసు నమోదు చేసకుని దర్యాప్తు చేపట్టారు.

ఓ ఇంట్లో చోరీ జరిగిన ఘటన జీడిమెట్లలో జరిగింది. మేడ్చల్ జిల్లా జీడిమెట్ల పరిధి ఎస్​ఆర్ నాయక్ నగర్​కు చెందిన రాజాసింగ్ మున్సిపల్ సూపర్​వైజర్​గా ఉద్యోగం చేస్తున్నాడు. వారం క్రితం తన బంధువు చనిపోవడం వల్ల కుటుంబసభ్యులతో కలిసి చేవెళ్ల వెళ్లారు. గమనించిన దొంగలు ఇంటి తాళాలు పగులగొట్టి చొరబడ్డారు. నేడు ఉదయం ఆ ప్రాంతంలో రోడ్లు ఊడ్చే మహిళలు వారి ఇంటి ముందు చెట్లు ఉన్నాయని కూర్చొని ఆ డోర్ వైపు చూడగా తాళం బయట ఉన్న మంచంపై పెట్టి ఉండడాన్ని గమనించి స్థానికులకు తెలపడం వల్ల పోలీసులకు సమాచారం అందించారు.

సమాచారం అందుకున్న పోలీసులు ఘటనాస్థలికి చేరుకుని క్లూస్​టీం సాయంతో పరిశీలిస్తున్నారు. స్థానికులు ఇంటి యజమానికి తెలపడం వల్ల ఇంటికి చేరుకున్న రాజాసింగ్.. ఇంట్లో ఉన్న 5 లక్షల నగదును ఎత్తుకుపోయినట్లు వెల్లడించారు. ఇంట్లో ఉన్న సామాన్లను పూర్తిగా చిందరవందరగా పడేశారు దొంగలు. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.

ఇవీ చూడండి: పోలీసులకు పట్టించాడని వెంటాడి మరీ చంపేశాడు...