లాక్​డౌన్​ నిబంధనలు ఉల్లంఘించిన వారిపై కేసు

కరోనాను ఎదుర్కోవడానికి కేంద్ర, రాష్ట్ర ప్రభుత్వాలు విధించిన లాక్​డౌన్​ను కొందరు వ్యాపారులు ఉల్లంఘిస్తున్నారు. మేడ్చల్​ జిల్లా దుండిగల్​లో నిబంధనలు బేఖాతరు చేస్తూ తెరిచిన దుకాణాలను ఎస్​ఓటీ పోలీసులు సీజ్​ చేశారు.

మేడ్చల్​ జిల్లా దుండిగల్ పీఎస్ పరిధిలో ప్రభుత్వ ఆదేశాలను బేఖాతరు చేస్తూ నిర్వహిస్తోన్న రెండు షాపులు, క్లినిక్​లపై బాలానగర్ ఎస్ఓటీ పోలీసులు దాడి చేశారు.

మల్లంపేటలో లాక్​డౌన్​ నిబంధనలు ఉల్లంఘించి తెరిచిన ఓ హోటల్, ఎలక్ట్రిక్ షాపును సీజ్​ చేశారు. గాగిల్లపూర్​, బేరంపేటలో క్లినిక్ తెరిచి వైద్యం చేస్తున్న ఇద్దరు ఆర్​ఎంపీ వైద్యులను పట్టుకున్నారు. మొత్తం నలుగురిపై కేసులు నమోదు చేసి వారు నిర్వహిస్తున్న షాపులు, క్లినిక్​లను సీజ్ చేశారు. వారిని దుండిగల్ పోలీసులకు అప్పగించారు.