ఎన్నికల విధులకు హాజరు కాకుండా నిర్లక్ష్యం వహించిన జీహెచ్ఎమ్సీ సూపర్వైజర్పై మేడ్చల్ జిల్లా కలెక్టర్ ఆగ్రహం వ్యక్తం చేశారు. షోకాజ్ నోటీసు జారీ చేశారు. కుత్బుల్లాపూర్‌ జీహెచ్ఎమ్సీ కార్యాలయంలో బిల్ కలెక్టర్గా పనిచేస్తున్న నర్సింగరావును మున్సిపల్ ఎన్నికల్లో భాగంగా ఎన్నికల సుపర్వైజర్గా నియమించారు. 1 తేదీ నుంచి అతను విధులకు హాజరుకావడం లేదు.
విధులకు రావడం లేదని కుత్బుల్లాపూర్‌ డిప్యూటీ కమిషనర్ మంగతయారు పలుమార్లు హెచ్చిరించారు. అయినా అతని ప్రవర్తనలో మార్పు రాలేదు. ఈ నేపథ్యంలో మేడ్చల్ జిల్లా కలెక్టర్ ఎమ్.వి.రెడ్డి ఆదివారం మున్సిపల్ ఎన్నికల ఏర్పాట్లను పర్యవేక్షించడానికి ఆకస్మికంగా వచ్చారు. అక్కడ డ్యూటీలో ఉండాల్సిన నర్సింగరావు లేకపోవడం వల్ల ఆగ్రహం వ్యక్తం చేశారు. అతనికి షోకాజ్ నోటీసు జారీ చేయవల్సిందిగా డిప్యుటి కమిషనర్కు ఆదేశాలిచ్చారు. మంగతాయారు నర్సింగ్రావుకు షోకాజ్ నోటీసు జారీ చేశారు.
ఇదీ చూడండి : ఆహా ఏమిరుచి: పనసాకు పొట్టిక్క... రుచిలో దిట్టక్క!
