కరోనా కట్టడి చర్యల్లో భాగంగా మేడ్చల్-మల్కాజిగిరి జిల్లాలో లాక్డౌన్ పటిష్ఠంగా అమలుచేస్తున్నారు. జిల్లాలోని ఉప్పల్, రామంతాపూర్‌, బోడుప్పల్, హబ్సిగూడ, ఫిర్జాదిగూడ, పోచారం, ఘట్‌కేసర్‌ తదితర ప్రాంతాల్లో కట్టుదిట్టంగా కొనసాగుతోంది. ఉదయం 6 గంటల నుంచి 10 గంటలలోపు మాత్రమే ఆయా ప్రాంతాల్లో రద్దీ నెలకొంది. అనంతరం పోలీసులు పెట్రోలింగ్‌ నిర్వహిస్తున్నారు. ప్రత్యేక చెక్పోస్టులు ఏర్పాటు చేసి వాహనాలను తనిఖీ చేస్తున్నారు.
అనవసరంగా బయటకు వచ్చిన వారికి పోలీసులు జరిమానా విధిస్తున్నారు. కూరగాయల మార్కెట్‌లో ట్రాఫిక్‌ పోలీసుల ఆధ్వర్యంలో కరోనా వైరస్‌పై అవగాహన కార్యక్రమాలు చేపడుతున్నారు.
ఇదీ చదవండి: కరోనా కాలంలో గర్భిణుల తిప్పలు
