మురికి వాడలు లేకుండా చేస్తా: చర్లపల్లి కాంగ్రెస్‌ అభ్యర్థి

గ్రేటర్‌ ఎన్నికల ప్రచార పర్వం కాసేపట్లో ముగియనుంది. చివరి రోజు కావడంతో కాంగ్రెస్‌ పార్టీ అభ్యర్థులు ప్రచారంలో వేగం పెంచారు. చర్లపల్లి 3 వ డివిజన్‌లో అభ్యర్థి గడ్డం యాదగిరి ఇంటింటికి వెళ్లి ప్రచారం నిర్వహించారు. ఎన్నికల్లో గెలిపిస్తే డివిజన్‌లో మురికి వాడలు లేకుండా చేస్తానని ప్రజలకి హామీ ఇచ్చారు.

జీహెచ్ఎంసీ ఎన్నికల ప్రచారం చివరి రోజు కావడంతో కాంగ్రెస్ పార్టీ అభ్యర్థులు జోరుగా రోడ్‌ షోలలో పాల్గొన్నారు. చర్లపల్లి 3 వ డివిజన్ నుంచి కాంగ్రెస్ అభ్యర్ధి గడ్డం యాదగిరి ఇంటింటికి వెళ్లి ప్రచారం చేశారు. హస్తం గుర్తుకు ఓటు వేసి గెలిపించాలని ఓటర్లను అభ్యర్థించారు. గత ప్రభుత్వం ఎటువంటి అభివృద్ధి చేయలేదని, ఈ డివిజన్ నుంచి మేయర్‌ను గెలిపించుకున్నా ఎలాంటి ప్రయోజనం లేకుండా పోయిందని ఆరోపించారు.

స్థానికంగా తాను ప్రజాసేవకునిగా పనిచేస్తున్నానని, ప్రజలకు ఏమి కావాలో తనకు తెలుసని అభ్యర్థి అన్నారు. ఎన్నికల్లో గెలిపిస్తే డివిజన్‌ని మురికివాడలు లేకుండా చేసి మంచినీరు అందిస్తానని హామీ ఇచ్చారు. గ్రేటర్‌ ఎన్నికల్లో తన గెలుపు ఖాయమని ధీమా వ్యక్తం చేశారు.

ఇదీ చదవండి: సమయాభావం వల్ల మధ్యలోనే ముగిసిన అమిత్‌ షా భారీ రోడ్‌ షో..