అల్వాల్లో పూల పండుగ వైభవం
అల్వాల్లోని వెంకటేశ్వర స్వామి పార్కులో మైసి మహిళా మండలి అధ్యక్షురాలు, అల్వాల్ తెరాస నాయకురాలు ఈగ లావణ్య కృష్ణ ఆధ్వర్యంలో బతుకమ్మ వేడుకలు ఘనంగా జరిగాయి. మల్కాజ్ గిరి ఎమ్మెల్యే మైనంపల్లి హనుమంతరావు సతీమణి వాణి.. ఈ ఉత్సవంలో పాల్గొన్నారు. ప్రత్యేక రాష్ట్రం ఏర్పడిన తర్వాత బతుకమ్మకు ప్రపంచ ఖ్యాతి వచ్చిందని ఆ ఘనత రాష్ట్ర ముఖ్యమంత్రి కేసీఆర్ కు దక్కుతుందన్నారు వాణి. తెలంగాణ సంస్కృతికి నిలువుటద్దం అయిన బతుకమ్మ పండుగ విశిష్టతను భావితరాలకు అందించాల్సిన బాధ్యత మనందరిపై ఉందన్నారు. ప్రతి సంవత్సరం లాగానే ఈ ఏడాది కూడా బతుకమ్మ పండుగను ఘనంగా నిర్వహించామని ఈగ లావణ్య తెలిపారు. కార్యక్రమంలో మహిళలు పెద్ద సంఖ్యలో పాల్గొని ఆట పాటలతో సందడి చేశారు.
- ఇదీ చూడండి : 'ఘనంగా బతుకమ్మ సంబురాలు'
