మెదక్ జిల్లా పాపన్నపేట మండలంలో ఎంపీటీసీ, జడ్పీటీసీ అభ్యర్థుల తరపున ఎమ్మెల్యే పద్మాదేవేందర్ రెడ్డి ప్రచారం నిర్వహించారు. జడ్పీటీసీ అభ్యర్థి షర్మిల శ్రీనివాస్ రెడ్డి, ఎంపీటీసీ విష్ణువర్ధన్ రెడ్డి తరపున పాపన్నపేట మండలంలోని పోడ్ఛాన్పల్లి, కొండపాక, నాగసాన్ పల్లి, ఎల్లాపూర్ తదితర గ్రామాల్లో విస్తృతంగా పర్యటించారు. తెలంగాణ వచ్చిన తర్వాత కేసీఆర్ చేపట్టిన పథకాల వల్ల రాష్ట్రం అభివృద్ధిలో దూసుకెళ్తోందన్నారు. పార్లమెంట్ ఫలితాల్లో మంచి మెజార్టీ వచ్చే అవకాశం ఉందని ఆమె విశ్వాసం వ్యక్తం చేశారు. స్థానిక సంస్థల్లో సైతం తెరాస అభ్యర్థులను భారీ ఆధిక్యంతో గెలిపించాలని విజ్ఞప్తి చేశారు.
ఎన్నికల ప్రచారంలో భాగంగా గ్రామాల్లో విస్తృతంగా పర్యటిస్తున్న మెదక్ ఎమ్మెల్యే
