ప్రభుత్వ పాఠశాలల్లోని ఉపాధ్యాయుల సమస్యలు వెంటనే పరిష్కరించాలని తెలంగాణ ప్రాంత ఉపాధ్యాయ సంఘం మెదక్‌ జిల్లా ప్రధాన కార్యదర్శి ఎల్లం డిమాండ్ చేశారు. పాత పింఛను విధానం అమలుచేయాలని స్పష్టం చేశారు. నర్సాపూర్‌ తహసీల్దార్‌ మాలతికి వినతి పత్రం అందజేశారు.
సమానంగా..
నర్సాపూర్‌లో క్యాలెండర్ ఆవిష్కరించారు. అన్ని విభాగాల్లో పదోన్నతులు, బదిలీలు చేపట్టాలని కోరారు. కస్తూర్బా పాఠశాలల్లో పనిచేసే వారికి రెగ్యులర్‌ ఉపాధ్యాయులతో సమానంగా సెలవులివ్వాలని కోరారు. ఆదర్శ పాఠశాలల్లోని వాళ్లకు మెడికల్‌ రీఎంబర్స్‌మెంట్ సౌకర్యం కల్పించాలన్నారు.
మార్కెట్‌ ధరకు అనుగుణంగా పీఆర్సీ ఇవ్వాలి. ప్రభుత్వం మూడు ఏళ్లుగా కాలయాపన చేస్తోంది. ఉపాధ్యాయుల పక్షాన రాజీలేని పోరాటం చేస్తున్నాం. ప్రభుత్వం స్పందించని పక్షంలో.. ఉపాధ్యాయ సంఘాలన్నీ ఏకమై పోరాటం చేస్తాం.
-ఎల్లం, జిల్లా ప్రధాన కార్యదర్శి
కార్యక్రమంలో పీజీహెచ్ఎమ్ వేణు మాధవ శర్మ, జిల్లా కార్యదర్శి విజయ్ కుమార్, మండల అధ్యక్షులు, ఉపాధ్యక్షులు తదితరులు పాల్గొన్నారు.
ఇదీ చూడండి: పీఆర్సీని వెంటనే అమలు చేయాలి : టీపీయూఎస్
