ఇప్పటి వరకు వైరస్​ కారణంగా ఎవరు చనిపోలేదు: హరీశ్​

మెదక్ కలెక్టరేట్ కార్యాలయంలో వైరస్​ వ్యాప్తిపై మంత్రి హరీశ్​రావు సమీక్ష నిర్వహించారు. వివిధ దేశాల నుంచి మెదక్​ జిల్లాకు 120 మంది వచ్చారని, వారిలో 95 మందిని హోమ్ క్వారంటైన్​లో ఉంచామని మంత్రి తెలిపారు. ప్రజలు భయపడాల్సిన అవసరం లేదని భరోసా ఇచ్చారు.

వివిధ దేశాల నుంచి మెదక్​ జిల్లాకు 120 మంది వచ్చారని, వారిలో 95 మందిని హోమ్ క్వారంటైన్​లో ఉంచామని ఆర్థిక శాఖ మంత్రి హరీశ్​రావు తెలిపారు. మెదక్ కలెక్టరేట్ కార్యాలయంలో వైరస్​ వ్యాప్తిపై సమీక్ష నిర్వహించారు. మెదక్ ప్రభుత్వ ఆసుపత్రిలో 15 పడకల ఐసోలేషన్ వార్డును ఏర్పాటు చేసినట్లు వెల్లడించారు. ఎనిమిది పడకలతో ఐసీయూలను సిద్ధం చేశామన్నారు.

వ్యాధి లక్షణాలు ఉన్నట్లు ఎవరికైనా అనిపిస్తే మెదక్​ ప్రభుత్వాసుపత్రికి రావాలని విజ్ఞప్తి చేశారు. ఇప్పటి వరకు వైరస్​ కారణంగా ఎవరు చనిపోలేదని, ప్రజలు భయపడాల్సిన అవసరం లేదని భరోసా ఇచ్చారు. రేషన్ దుకాణాల్లో పంపిణీకి సరైన చర్యలు తీసుకోవాలని అధికారులను ఆదేశించారు.

ఇవీ చూడండి: దత్తత తీసుకున్నారు.. హోటల్​లోనే చిక్కుకుపోయారు!