క్రికెట్ ఆడేందుకు వీలుగా స్టేడియం ఏర్పాటు చేస్తామని మెదక్ ఎమ్మెల్యే పద్మా దేవేందర్ రెడ్డి తెలిపారు. పట్టణంలోని సీఎస్ఐ చర్చి మైదానంలో జరిగిన క్రికెట్ టోర్నమెంట్ విజేతలకు ట్రోఫీని ఆమె బహుకరించారు. వారితో కలిసి కాసేపు ఉత్సాహంగా ఎమ్మెల్యే క్రికెట్ ఆడారు.
భవిష్యత్తులో క్రీడాకారుల కోసం నాలుగు ఎకరాల్లో మైదానాన్ని ఏర్పాటు చేస్తామని ఎమ్మెల్యే హామీ ఇచ్చారు. సింథటిక్ ట్రాక్ కేవలం అథ్లెటిక్స్ క్రీడాకారులకు మాత్రమే అనుకూలంగా ఉంటుందని అన్నారు. క్రీడలు మానసిక ఉల్లాసాన్ని అందిస్తాయని తెలిపారు. ఈ కార్యక్రమంలో మున్సిపల్ ఛైర్మన్ చంద్రపాల్, వైస్ ఛైర్మన్ మల్లికార్జున్ గౌడ్, కౌన్సిలర్, ప్రజా ప్రతినిధులు పాల్గొన్నారు.
