మెదక్​లో బతుకమ్మ సంబరాలు.. ఆడిపాడిన ఆడపడుచులు

తెలంగాణలోని ముఖ్యమైన పండుగల్లో ఒకటైన సద్దుల బతుకమ్మను మెదక్​ జిల్లావ్యాప్తంగా అంగరంగ వైభవంగా నిర్వహించారు. తొమ్మిది రోజుల పాటు భక్తిశ్రద్ధలతో బతుకమ్మను పేర్చి సాంప్రదాయబద్ధంగా ఊరి చెరువులో నిమజ్జనం చేశారు.

మెదక్​ జిల్లావ్యాప్తంగా బతుకమ్మ సంబరాలు అంబరాన్నంటాయి. తొమ్మిదిరోజుల పాటు రోజూ.. అందమైన రంగురంగుల పూలతో బతుకమ్మను పేర్చి ఆటలాడిన మహిళలు చివరిరోజైన సద్దుల బతుకమ్మ నాడు.. బతుకమ్మను ఘనంగా నిర్వహించారు. సాంప్రదాయబద్ధంగా చెరువుల్లో నిమజ్జనం చేశారు.

మెదక్​ జిల్లాకేంద్రంలోని బాలాజీ మఠం ,ఫతేనగర్​, నవాబ్​పేట, వాసవి నగర్​ తదితర కాలనీల్లో మహిళలు బతుకమ్మపు పేర్చి ఆడిపాడారు. నిమజ్జనం అనంతరం పరస్ఫరం వాయనాలు ఇచ్చి పుచ్చుకున్నారు.

ఇదీ చదవండి : విపత్తుల కల్లోలం.. పర్యావరణ పరిరక్షణ అత్యావశ్యకం