మంచిర్యాల జిల్లాలో కరోనా కేసుల సంఖ్య రోజురోజుకు పెరుగుపోతున్నాయి. తాజాగా నిర్వహించిన కరోనా పరీక్షల్లో శనివారం రోజున మరో ఆరు పాజిటివ్ కేసులు నమోదయ్యాయి. ఈ కేసులతో ఇప్పటి వరకు జిల్లాలో నమోదైన కేసుల సంఖ్య 30కి చేరింది. వీరంతా ఈ నెల 12 న మహారాష్ట్ర నుంచి తమ సొంత ఊళ్లకు వచ్చినవారేనని అధికారులు చెబుతున్నారు.
జన్నారం మండలానికి చెందిన తపాలపూర్ గ్రామానికి చెందిన నలుగురు, రోటిగూడ గ్రామానికి చెందిన ఓ వ్యక్తికి, చింతలపల్లికి చెందిన మరొకరికి వైరస్ సోకినట్లు తేలింది. వీరిని బెల్లంపల్లి ఐసోలేషన్ వార్డు నుంచి హైదరాబాద్లోని గాంధీ ఆసుపత్రికి తరలించారు. ఇప్పటివరకు జన్నారం మండలంలోనే 17 మందికి కరోనా పాజిటివ్ వచ్చినట్టు అధికారులు వెల్లడించారు.
ఇవీ చూడండి: 'వ్యక్తిగత పరిశుభ్రతే వైరస్ నివారణకు మందు'
