మంచిర్యాల జిల్లాలో మరో 6 కరోనా పాజిటివ్ కేసులు

ఇతర రాష్ట్రాల్లో ఉన్న వలస కార్మికుల రాకతో మంచిర్యాల జిల్లాలో కరోనా కలకలం మొదలైంది. మహారాష్ట్ర నుంచి మంచిర్యాల జిల్లాకు వచ్చిన వారిలో ఆరుగురికి పాజిటివ్ నిర్ధరణ అయింది.

మంచిర్యాల జిల్లా జన్నారం మండలం కిష్టాపూర్​ గ్రామంలో ఒకే కుటుంబానికి చెందిన నలుగురికి కరోనా పాజిటివ్ నిర్ధరణ అయింది. రోటిగూడలో మరో ఇద్దరికి వైరస్​ సోకింది.

ఈనెల 12న మహారాష్ట్ర నుంచి జిల్లాలోని స్వగ్రామాలకు వచ్చిన వారిని అధికారులు బెల్లంపల్లి ఐసోలేషన్​ సెంటర్​కు తరలించారు. అక్కడ వైరస్ లక్షణాలు కనిపించగా గాంధీ ఆసుపత్రికి తరలించారు. నమూనాలు సేకరించి పరీక్షించగా.. ఆరుగురికి కరోనా సోకినట్లు వైద్యులు నిర్ధరించారు.

ఇదీ చూడండి: భారత 'జ్యోతి'కి ఇవాంకా ట్రంప్​ సలాం!