మహబూబ్​నగర్ జిల్లాలో ప్రేమజంట ఆత్మహత్య

యువతీ యువకుడు అనుమానాస్పదంగా ఇంట్లో ఉరివేసుకొని ఆత్మహత్య చేసుకున్నారు. వీరి చావుకు ప్రేమే కారణంగా పోలీసులు భావిస్తున్నారు. మహబూబ్​నగర్​ జిల్లా జడ్చర్లలో ఈ ఘటన కలకలం రేపింది.

మహబూబ్​నగర్ జిల్లా జడ్చర్ల మండలం పోలేపల్లి గ్రామంలో విషాదం చోటు చేసుకుంది. స్థానికంగా ఆటో డ్రైవర్​గా పని చేస్తున్న కుమార్ మరో గుర్తు తెలియని యువతితో కలిసి ఇంట్లో ఉరివేసుకుని ఆత్మహత్యకు పాల్పడ్డాడు. ఇంట్లో ఎవరూ లేని సమయంలో టీవీ కేబుల్​వైరుతో ఉరేసుకున్నారు. సమాచారం అందుకున్న పోలీసులు సంఘటన స్థలానికి చేరుకుని విచారణ చేపట్టారు. మృతదేహాలను పోస్టుమార్టం నిమిత్తం ప్రభుత్వాసుపత్రికి తరలించారు.

ఆత్మహత్య చేసుకున్న ఇద్దరు ప్రేమ జంటగా భావిస్తున్నారు. ఎందుకు ఆత్మహత్య చేసుకున్నారనే కోణంలో పోలీసులు దర్యాప్తు చేస్తున్నారు.

ఇవీ చూడండి: హైదరాబాద్​లో ఏడేళ్ల బాలుడి హత్య