పెరుగుతున్న ఉల్లి ధరలు... రైతులకు ఊరట

దేవరకద్ర వ్యవసాయ మార్కెట్​లో ఉల్లి ధరలు వరుసగా పెరుగుతున్నాయి. గరిష్ఠంగా క్వింటాకు రూ.1500 వరకు కొనసాగుతున్నందుకు రైతులకు కాస్త ఊరట లభించింది. కానీ పంట చివరిదశలో ఉండడం వల్ల ఫలితం లేకుండా పోయింది.

మహబూబ్​నగర్​ జిల్లా దేవరకద్ర వ్యవసాయ మార్కెట్లో రైతులు విక్రయానికి తీసుకొచ్చిన ఉల్లిని వినియోగదారులు నేరుగా కొనుగోలు చేశారు. కిలో ఉల్లిని గరిష్ఠంగా రూ.15కు కొనుక్కున్నారు. వినియోగదారుల డిమాండ్​కు సరిపడే ఉల్లి లేకపోవడం, రైతులకు పంట దిగుబడి పడిపోవడం, మహారాష్ట్ర నుంచి హైదరాబాద్​కు ఉల్లి రాకపోవడంతో... ఇదే అదనుగా వ్యాపారులు రూ. 20కు తగ్గకుండా విక్రయిస్తున్నారు. నెలరోజుల్లో ధరలు పెరగడం రైతులకు కాస్త ఊరటగా ఉన్నా... వినియోగదారులకు మాత్రం కన్నీళ్లు తెప్పిస్తున్నాయి.

ఇదీ చదవండిః ఈ చెట్టుకు ఏడు రకాల మామిడి కాయలు