శాంతి భద్రతల పరిరక్షణకై పోలీసు శాఖ పూర్తిస్థాయి నిబద్ధతతో పని చేస్తోందని మహబూబ్నగర్ జిల్లా ఎస్పీ రెమా రాజేశ్వరి అన్నారు. ముఖ్యంగా మహిళల సంరక్షణకు ప్రత్యేక చర్యలు తీసుకుంటోందని తెలిపారు.
మహబూబ్నగర్ జిల్లా కేంద్రంలోని మహిళా పోలీస్ స్టేషన్ ఆధ్వర్యంలో 'మీ పోలీసు-మీ ఆత్మబంధువు' కార్యక్రమాన్ని నిర్వహించారు. బాధితుల ఇంటి వద్దకే వెళ్లి సమస్యలు పరిష్కరిస్తున్నారు. వేధింపులకు గురవుతున్న మహిళలు.. షీ టీమ్స్కు సమాచారం అందించాలని జిల్లా ఎస్పీ రెమా రాజేశ్వరి కోరారు.
"మీ పోలీసు-మీ ఆత్మబంధువు" ఏర్పాటు చేసిన గంటల్లోనే షీ టీమ్కు భర్త వేధింపులకు సంబంధించిన ఫిర్యాదు రావడం గమనార్హం. లాక్ డౌన్లో గృహ హింస కేసులు ఎక్కువవుతున్న నేపథ్యంలో ఈ కార్యక్రమాన్ని నిర్వహిస్తున్నట్లు ఎస్పీ తెలిపారు.
