పగిలిన మిషన్ భగీరథ పైపు లైను, నీరు వృథా

అసలే ఎండాకాలం. తాగేందుకే నీరు దొరకని ఈ సమయంలో ప్రభుత్వం ఎంతో ప్రతిష్ఠాత్మకంగా తీసుకొచ్చిన మిషన్ భగీరథ పైప్ లైను పగిలి తాగు నీరు వృథాగా పోయింది. ఈ సంఘటన మహబూబ్​నగర్ జిల్లా చిన్నచింతకుంట మండలం లాల్​కోట చౌరస్తాలో జరిగింది.

మహబూబ్​నగర్ జిల్లా మన్యంకొండలో మిషన్ భగీరథ పైపులైను ధ్వంసమైంది. చిన్నచింతకుంట మండలం లాల్​కోట చౌరస్తాలో గేటు మరమ్మత్తులు చేస్తుండగా ఒక్కసారిగా పైపు పగిలి పెద్ద ఎత్తున నీరు చిమ్మింది. జాతీయ రహదారిపై ఫౌంటన్​లా వందల అడుగుల ఎత్తుకు నీరు చిమ్మింది.

చాలా సేపు మంచినీరు వృథాగా పోయి... చుట్టపక్కన పంటపొలాలు, రోడ్డుపైన వరదలా పారింది. ఈ విషయాన్ని గమనించిన స్థానికులు మిషన్ భగీరథ పైప్ లైన్ నిర్వాహకులకు సమాచారమిచ్చారు. వెంటనే స్పందించిన అధికారులు నీటి వృథాను అరికట్టారు.పైప్ లైన్ లీకేజీకి కారణం నిర్వాహకుల పర్యవేక్షణ లోపమేనని గ్రామస్థులు ఆరోపించారు.

ఇవీ చదవండి:దేశంలో బడితే ఉన్నోడిదే బర్రె : కేటీఆర్