మహబూబ్నగర్ జిల్లా కేంద్రంలోని పెద్ద చెరువు మిని ట్యాంక్ బండ్ను సుందరంగా తీర్చిదిద్దనున్నట్టు ఎక్సైజ్ శాఖ మంత్రి శ్రీనివాస్‌గౌడ్‌ తెలిపారు. ట్యాంక్ బండ్పై విద్యుత్‌ కాంతులతో మిరుమిట్లు గొలిపేలా నూతనంగా ఏర్పాటు చేసిన ఎల్ఈడీ లైట్లను ఆయన ప్రారంభించారు. ఒకప్పుడు పెద్ద చెరువు కట్టపై పగలు నడవటమే కష్టంగా ఉండేదని.. ఇరిగేషన్‌, పర్యాటక శాఖలను సమన్వయపరిచి పెద్ద చెరువును అన్ని హంగులతో తీర్చిదిద్దుతున్నట్టు మంత్రి పేర్కొన్నారు.
రాబోయే రోజుల్లో ట్యాంక్ బండ్ను నక్లెస్ రోడ్లా తయారు చేయటంతో పాటు.. చెరువులో వేలాడే వంతెనను ఏర్పాటు చేయనున్నట్టు వివరించారు. సమీపంలో ఏర్పాటు చేయబోయే శిల్పారామంతో పాటు.. పగలు, రాత్రి ట్యాంక్ బండ్ పరిసరాలు ఎలా ఉండనున్నాయో... మినీ ట్యాంక్ బండ్ పై ఏర్పాటు చేయనున్న అభివృద్ధి పనుల నమూనా 3డీ వీడియోను మంత్రి విడుదల చేశారు.
ఇదీ చదవండి: చైన్స్నాచింగ్ ముఠా అరెస్ట్... 7 లక్షల బంగారం స్వాధీనం
